«Ich entschuldige mich bei allen Chamäleons» 

Text des Videos von Kantonsrätin und SP-Präsidentin Susann Helbling:

«Hey, händ ehr Eu au scho gfröget, wieso dass dä Patrick Fischer jetzt vor däre Weltmeisterschaft offäleit, das er das Covid-Zertifikat gefälscht hät? Ich glaube ja, das er a irgendwelchi so Mächt glaubt und dänkt, mir wärded nur Weltmeister, wenn mir üses Karma greinigät händ. Das würd au däzue passe, dass er das Covid-Zertifikat fälsche tuet, genau, und wänn das stimmt und dä Patrick Fischer nur mit greinigtem Karma, also wänn er diä Verfählig vo sim Läbe zue git, das mues mache, damit d’ Schwizer Nazi dänn au würkli Weltmeischter wird, dänn wet ich min Teil däzue biträge, und mach das jetzt au was dä Patick Fischer gmacht hät.
Ich verzelä eu vo minere gröschte Verfählig vo mim Läbä und zwar han ich mit öppä Zwänzgi äs Teppichchamäleon us Madagaskar gschmugglet, und ich entschuldigä mich i aller Form für das, ich nimm diä Schuld uf mich und entschuldigä mich bi alne Chamäleons vo däre Wält – mached das au, dänn wärded mer Weltmeister.»